BAKEER / BEHIND THE PROCESS
كيف تعيد أي ترند بوجهك بأسرع طريقة (Higgsfield Genjutsu) + البرومبت
بتاخد فيديو ترند جاهز وبتبدّل الشخص يلي فيه بشخصيتك، وبتضل الحركة والكاميرا والمكان متل ما هنن. 6 خطوات على Higgsfield Genjutsu مع البرومبت جاهز للنسخ.

الفكرة: أي ترند… بوجهك إنت
بتاخد فيديو ترند جاهز، وبتبدّل الشخص يلي فيه بشخصيتك. الحركة والكاميرا والمكان والتوقيت بيضلّوا متل ما هنن، والشخص بس يلي بيتغيّر. بدون تصوير وبدون مونتاج.
الأداة: Genjutsu على موقع Higgsfield، وتحديداً خيار Objects swap.
شو بدك قبل ما تبلّش
| الشي | المواصفات |
|---|---|
| فيديو الترند | بين 4 و 30 ثانية. الأفضل يكون الشخص واضح وواخد مساحة منيحة من الكادر، وما في ناس كتير حوالَيه. |
| Photo Sheet للشخصية | صورة وحدة فيها الوجه من 3 زوايا (قدّام، جنب، ثلاث أرباع) والجسم كامل من قدّام وجنب، على خلفية سادة. |
| حساب على Higgsfield | مع كريديت كافي للتوليد. |
ليش Photo Sheet ومو صورة عادية؟ لأنو الموديل بيشوف الوجه والجسم واللبس من كل الزوايا، فبيحافظ على الشكل وقت الشخص بيلف أو بيتحرّك.
الخطوة 1: افتح موقع Higgsfield
ادخل على higgsfield.ai وسجّل دخول.
الخطوة 2: روح على أداة Genjutsu
الخطوة 3: اختار Objects swap ونزّل فيديو الترند
- اكبس على تبويب Objects swap (مو Motion transfer).
- اكبس على خانة Add a reference video to edit.
- اختار فيديو الترند من المرفوعات، أو ارفعو من Upload media.
الخطوة 4: ارفع الـ Photo Sheet تبع الشخصية
- اكبس على خانة Add your characters, products, or clothes.
- ارفع الـ Photo Sheet أو اختارو إذا كان مرفوع من قبل.
الخطوة 5: الصق البرومبت
انسخ البرومبت والصقو بمربع Prompt. تأكد إنو @Video1 و @Image1 نفس الأسماء يلي بتطلع عندك بعد الرفع.
Replace the man in @Video1 with the man from @Image1. Keep his exact face, beard, hairstyle, skin tone, body type, height and outfit exactly as shown in @Image1. Change nothing else: keep the same background, lighting, colors, camera movement, framing, timing, and every body movement and gesture from @Video1. Natural skin texture, realistic proportions, no extra people, no text.
Replace the woman in @Video1 with the woman from @Image1. Keep her exact face, hairstyle, skin tone, body type, height and outfit exactly as shown in @Image1. Change nothing else: keep the same background, lighting, colors, camera movement, framing, timing, and every body movement and gesture from @Video1. Natural skin texture, realistic proportions, no extra people, no text.
إذا بدك تغيّر اللبس كمان: ارفع صورة اللبس كصورة تانية (@Image2) وزيد هالسطر على آخر البرومبت:
Dress him in the outfit from @Image2.
الخطوة 6: اكبس Generate
استنى التوليد يخلص، وبعدين نزّل الفيديو وقارنو مع الأصلي.
نصايح لنتيجة أنضف
- اختار ترند الكاميرا فيه ثابتة نسبياً، والشخص واضح بالكادر.
- خلّي إضاءة الـ Photo Sheet قريبة من إضاءة الفيديو: نهار مع نهار، وداخلي مع داخلي.
- البرومبت القصير والواضح أحسن من الطويل: بدّل هاد بهاد، وما تغيّر شي تاني.
- إذا الوجه تغيّر بنص الفيديو، جرّب فيديو أقصر (8 لـ 12 ثانية).
قبل ما تنشر
- استعمل وجهك أو وجه حدا عندك موافقتو.
- فعّل وسم الـ AI بإنستغرام وقت النشر، لأنو الفيديو معدّل بالذكاء الاصطناعي.
- إذا الترند فيه موسيقى، استعمل الصوت من مكتبة إنستغرام بدل ما ترفعو مع الفيديو.
صار دورك تجرّب.
شروحات أكثر